** 1922ع ۾ اڄوڪي تاريخ تي خلافت ڪاميٽي سنڌ جي مختلف شاخن
طرفان ترڪي ۾ جنگي ٻيڙا موڪلڻ تي برطانيا جي حڪومت
خلاف
مظاهرا ڪيا ويا ۽ جلوس ڪڍيا ويا، ان حوالي سان
مختلف شهرن ۾ احتجاجي گڏجاڻيون
پڻ ٿيون، نصرپور، انڙپور،
مٽياري، امروٽ شريف، وصي ملوڪ شاهه، ميرو خان ۽ ٻين
شهرن
۾ احتجاجي پروگرام ٿيا. جن کي خلافت ڪاميٽي جي اهم اڳواڻن خطاب ڪيو.
** 1953ع ۾ اڄوڪي تاريخ تي سنڌ
هاري ڪاميٽي طرفان صوبي
۾ عدم تشدد جو ڏهاڙو ملهايو ويو، ان حوالي سان مختلف شاخن
طرفان پروگرام ڪرايا ويا، جنهن ۾ مقررن سنڌ ۾ امن کي هٿي ڏيڻ لاءِ ليڪچر ڏنا.
** 1963ع ۾ اڄوڪي تاريخ تي
ڪئناڊا جو مسافر جهاز اڏامڻ جي
ٿوري دير بعد هيٺ ڪري تباهه ٿي ويو، جنهن جي نتيجي
۾ 119
مسافر فوت ٿي ويا.اهو حادثو جهاز ۾ خرابي پيدا ٿيڻ سبب پيش آيو.
** 1968ع ۾ اڄوڪي تاريخ تي ملڪ
۾ جمهوريت جي بحالي لاءِ وڪيل
به ميدان ۾ اچي ويا، مختلف شهرن ۾ وڪيلن طرفان وڏا
جلوس ڪڍيا ويا.
** 1976ع ۾ اڄوڪي تاريخ تي سنڌ
۽ بلوچستان لاءِ پهرين ڊسمبر
کان الڳ الڳ هاءِ ڪورٽن جو نوٽيفڪيشن جاري ڪيو ويو.
واضح رهي ته ٻنهي صوبن لاءِ اڳ ۾ هڪ هاءِ ڪورٽ هئي.
** 1986ع ۾ اڄوڪي تاريخ تي
سوويت يونين جي سربراهه ميخائل
گورباچوف ڀارت جي دوري دوران تقريب کي خطاب ڪندي
چيو ته ڀارت،
پاڪستان ۽ سوويت يونين کي خطي ۾ امن لاءِ دوست ٿي رهڻو پوندو.
** 2007ع ۾ اڄوڪي تاريخ تي آل
پارٽيز ڊيموڪريٽڪ الائنس
(اي پي ڊي ايم) عام چونڊن جي بائيڪاٽ جو اعلان ڪري ڇڏيو،
جڏهن ته انهيءَ الائنس ۾ شامل جي يو اءِ سربراهه مولانا فضل الرحمان
۽ اي اين پي
جي سربراهه اسفنديار ولي اهو فيصلو
مڃڻ کان انڪار ڪري ڇڏيو، چونڊن جي بائيڪاٽ جو
اعلان نواز شريف
لاهور ۾ ساٿي اڳواڻن سان گڏجي ڪيو. بينظيرڀٽو بائيڪاٽ تي جاري
ڪيل
بيان ۾ چيو ته اي پي ڊي ايم کي چونڊن جي بائيڪاٽ سان
ڪجهه نه ملندو، انهن کي ميدان
خالي نه ڇڏڻ گهرجي،
نواز شريف ۽ عمران سميت سڀني کي چونڊن ۾ حصو وٺڻ گهرجي.
جڏهن
ته ساڳئي ڏينهن تي پرويز مشرف سويلين صدر طور حلف
کڻي ورتو ۽ ايندڙ مهيني ايمرجنسي
ختم ڪرڻ جو اعلان ڪيو.
مخالف ڌر جي جماعتن صدر مشرف جي اعلانن کي رد
ڪندي احتجاج
جاري رکڻ جو فيصلو ڪيو.
No comments:
Post a Comment