** 1838ع ۾ اڄوڪي تاريخ تي سنڌ ۾ آيل برطانوي فوجين جي ڪمانڊ
انگريز عملدار ميجر جنرل ولشائر جي ڪنٽرول ۾ ڏني وئي ۽ ان
ڏينهن کان سنڌ ۽ سنڌين لاءِ خراب ڏينهن شروع ٿيا.
** 1847ع ۾ اڄوڪي تاريخ تي شڪارپور جي ڪليڪٽر سنڌ حڪومت
وٽ پنهنجون تجويزون پيش ڪيون ته بگٽي برادري جي ماڻهن کي
مشروط طور تي سنڌ ۾ آباد ٿيڻ جي اجازت ڏيڻ گهرجي، برٽش حڪومت
جي اها ڪليئر پاليسي آهي ته سنڌ جي سماجي، ثقافتي ۽ سياسي
سڃاڻپ کي برقرار رکيو وڃي، سنڌ حڪومت ڪو به فيصلو ڪرڻ
کان اڳ ۾ سنڌ جي سڀني انتظامي سربراهن سان مشورو ڪرڻ بعد حتمي فيصلا ڪيا.
** 1931ع ۾ آزادي واري تحريڪ دوران ميهڙ جي ماڻهن اهم ڪردار
ادا ڪيو، ميهڙ واحد شهر هو، جتي وڌ ۾ وڌ خلافت ڪانفرنسون ٿيون،
اڄوڪي تاريخ تي سيٺ حاجي مير محمد بلوچ خلافت ڪانفرنس جي
صدارت ڪئي، جنهن ۾ سنڌ جي ناليوارن اڳواڻن سائين جي ايم سيد شيخ
عبدالمجيد سنڌي ۽ ٻين شرڪت ڪئي، انهي ڪانفرنس ۾ 12 کان وڌيڪ
ٺهراءُ پاس ڪيا ويا، جڏهن ته ڪانفرنس جي پڄاڻي تي ڪشميرين سان
يڪجهتي، سنڌ کي بمبئي کان ڌار ڪرڻ ۽ هارين کي ووٽ جو حق
ڏيڻ سميت ڪيترن ئي معاملن تي ڳالهايو ويو،
** 1947ع ۾ اڄوڪي تاريخ تي سرڪار طرفان جاري ڪيل پڌرائي
۾ ڄاڻايو ويو ته ڀارت مان وڌيڪ 84 هزار مهاجر پاڪستان پهتا آهن.
** 1951ع ۾ اڄوڪي تاريخ تي جيڪب آباد-ڪشمور ۽ ڊيرا غازي
خان-محمود ڪوٽ ريلوي منصوبي جي منظوري ڏني وئي.
** 1953ع ۾ اڄوڪي تاريخ تي تعليمات اسلامي بورڊ سفارش ڪئي
ته قاديانين کي غير مسلم قرار ڏنو وڃي.
** 1971ع ۾ اڄوڪي تاريخ تي چين گڏيل قومن ۾ ڀارت جي پاڪستان
خلاف جارحيت جي سخت لفظن ۾ مذمت ڪئي.
** 1994ع ۾ اڄوڪي تاريخ تي لاهور هاءِ ڪورٽ توهين رسالت ڪيس
۾ گرفتار ڪيل گل مسيح کي آزاد ڪرڻ جو حڪم ڏنو،
کيس سرگوڌا جي سيشن ڪورٽ موت جي سزا ٻڌائي هئي،
هاءِ ڪورٽ اها سزا رد ڪري ڇڏي.
** 1996ع ۾ اڄوڪي تاريخ تي مسلم ليگ جوڻيجو گروپ حامد ناصر چٺا
۽ عبدالغفور هوتي جي معاملن تان ورهائجي وئي ۽ اڳواڻن جا اختلاف
کليل نموني سامهون اچي ويا.
No comments:
Post a Comment