** 1840ع ۾ اڄوڪي
تاريخ تي انگريز عملدار ميجر
آئوٽرام هندستاني سرڪار کي ڄام آف لسٻيلا جي ا
يسٽ
انڊيا ڪمپني بابت احساسن ۽ جذبات بابت رپورٽ پيش ڪئي.
** 1849ع ۾ اڄوڪي
تاريخ تي حيدرآباد جي ڪليڪٽر
ٽالپر خاندان جو شجرو تيار ڪيو، جنهن ۾ ڄاڻايو ويو
ته
مراد ٽالپر سڀني ٽالپرن جو والد هو، هن شجري
۾ ڪورڪاڻي، ڪپاڻي ۽ ٻين ٽالپر پاڙن
بابت تفصيل بيان ٿيل آهي.
** 1947ع ۾ اڄوڪي تاريخ تي پاڪستان جي
دستور
ساز اسيمبلي جو اجلاس ڪراچي ۾ ٿيو، جنهن ۾
ايسٽ پاڪستان مان 40 ميمبرن شرڪت
ڪئي،
جڏهن ته پنجاب مان 17، اين ڊبليو ايف پي مان 3،
سنڌ مان 4 ۽ بلوچستان مان هڪ
ميمبر شرڪت ڪئي،
انهيءَ اجلاس ۾ قائداعظم محمد علي جناح کي دستور
ساز اسيمبلي جو
صدر چونڊيو ويو،
جڏهن ته مولوي تميز الدين نائب صدر ٿيو.
** 1953ع ۾ اڄوڪي تاريخ تي سانگهڙ ضلعي
جو قيام عمل ۾ آيو، ٿرپارڪر جي تعلقن سانگهڙ،
سنجهورو، پٿورو ۽ نوابشاهه جي تعلقي
شهدادپور
کي سانگهڙ ضلعي ۾ شامل ڪيو ويو.
** 1969ع ۾ اڄوڪي تاريخ تي هاري تحريڪ
جي اڳواڻ ڪامريڊ حيدر بخش جتوئي کي گرفتار ڪيو ويو.
** 1971ع ۾ اڄوڪي تاريخ تي آمريڪا عوامي
ليگ
جي اڳواڻ شيخ مجيب الرحمان تي ڪيس هلائڻ
تي ڳڻتي جو اظهار ڪيو.
** 1999ع ۾ اڄوڪي تاريخ تي ڀارت اڳرائي
ڪري بدين ويجهو پاڪ بحريه جي جهاز تي
ميزائل حملو ڪيو، جنهن جي نتيجي ۾ 5 آفيسرن
سميت 16 جوان شهيد ٿي ويا، نيوي ۽ ايئرفورس
جي عملدارن کي ٻن ڪلاڪن جي سرچ آپريشن
کانپوءِ
تباهه ٿيل جهاز جو ملبو مليو، ڀارت الزام هنيو ته اهو
جهاز ڀارتي حدن ۾
داخل ٿيو، جڏهن ته پاڪستان چيو
ته ڀارت اڳرائي ڪري پاڪستاني حدن ۾ موجود
جهاز کي
نشانو بڻايو آهي. پاڪستان احتجاج
ڪندي ڀارتي هاءِ ڪمشنر کي پرڏيهي آفيس به طلب
ڪيو.
** 2001ع ۾ اڄوڪي تاريخ تي چين ۽
پاڪستان ۾ گوادر
بندرگاهه منصوبي جي حوالي سان ٺاهه ٿيو، جنهن ۾ اهو
طئي ڪيو ويو
ته چين بندرگاهه جي اڏاوت
لاءِ پهرين مرحلي ۾ 20 ڪروڙ ڊالر ڏيندو.
No comments:
Post a Comment