** 1928ع ۾ اڄوڪي تاريخ تي ڪراچي جي خالق ڏنو هال ۾ ڪانگريس
ڪاميٽي جي گڏجاڻي نارائڻ داس آنند جي جي صدارت ۾ ٿي گذري،
جنهن ۾ فيصلو ڪيو ويو ته سائمن ڪميشن جي ڪراچي آمد جي
موقعي تي ان جو بائيڪاٽ ڪيو ويندو، انهي گڏجاڻي ۾ مير محمد بلوچ
۽ شيخ عبدالمجيد سنڌي پڻ شرڪت ڪئي هئي.
** 1947ع ۾ اڄوڪي تاريخ تي هندستان مان وڌيڪ 66 هزار
500 مهاجر خاندان پاڪستان پهچايا ويا.
** 1961ع ۾ اڄوڪي تاريخ تي لاهور ۾ ملڪ جو پهريون ائٽامڪ انرجي
ريسرچ ۽ ٽريننگ سينٽر شروع ٿيو.
** 1964ع ۾ اڄوڪي تاريخ تي فاطمه جناح ۽ صدر ايوب خان صدارتي چونڊ
۾ ڪاميابي لاءِ سرگرم رهيا، صدر ايوب خان بهاولپور ۾ هڪ
تقريب کي خطاب ڪندي چيو ته پاڪستان فاطمه جناح سميت ڪنهن
جي به جاگير ناهي، قائداعظم جي ڀيڻ لاءِ صدر
ايوب خان اهڙا ڪيترائي منفي رمارڪس ڏنا.
** 1967ع ۾ اڄوڪي تاريخ تي پاڪستان ۽ چين هڪ معاهدي
تي صحيحون ڪيون، جنهن تحت گلگت ۽ چين
جي شهر زنجيانگ وچ ۾ واپار شروع ڪيو ويو.
** 1972ع ۾ اڄوڪي تاريخ تي مملڪتي وزير معراج محمد خان
استعيفا ڏئي ڇڏي، هن پ پ حڪومت تي الزام لڳايو ته سرڪار
جون پاليسيون پورهيتن جي خلاف آهن. ان ڪري هو وڌيڪ گڏ نٿو هلي سگهي.
** 1992ع ۾ اڄوڪي تاريخ تي پ پ جي چيئرپرسن بينظير ڀٽو گو نواز
گو تحريڪ جو آغاز ڪري ڇڏيو. ان حوالي سان اسلام آباد ۾ بينظير ڀٽو
جي صدارت ۾ ٿيل اجلاس ۾ غلام مصطفيٰ جتوئي ۽
حفيظ پيرزادي شرڪت ڪئي، بينظير چيو ته
ملڪ جي بقا لاءِ قدم اڳتي وڌائي رهيا آهيون.
** 1998ع ۾ اڄوڪي تاريخ تي ڀارت پاڪستان جي ”نو وار پيڪٽ“
تجويز کي رد ڪري ڇڏيو، جنهن ۾ اهو ڄاڻايل هو ته ڪشمير جو
تڪرار حل ڪيو وڃي. ان حوالي سان وزيراعظم نواز شريف ۽ ڀارتي
وزيراعظم اٽل بهاري واجپائي ۾ فون تي رابطو ٿيو، جنهن ۾ ايٽمي
ٺڪاڻن سان گڏ شهري علائقن تي حملا نه ڪرڻ تي ڳالهه ٻولهه ٿي،
جڏهن ته ڀارت پاڪستان سان جنگ نه ڪرڻ جي آڇ کي رد ڪيو.
No comments:
Post a Comment