** 1832ع ۾ اڄوڪي تاريخ تي انگريزن جي پوليٽيڪل ايجنٽ ڪرنل
پوٽينجر پنهنجي سرڪار کي معلومات فراهم ڪئي ته خيرپور
رياست ۾ مير علي مراد خان ٽالپر ۽ سندس ٻن وڏن ڀائرن وچ
۾ جنگ جا امڪان پيدا ٿيا هئا، جنگ جو سبب ڪجهه علائقا هئا.
** 1853ع ۾ اڄوڪي تاريخ تي شڪارپور جي ڊپٽي ڪليڪٽر اسسٽنٽ
ڪمشنر آف جاگيرس جي تيار ڪيل رپورٽ ڪمشنر کي
موڪلي ڏني، هن رپورٽ ۾ پنهنجون اهي سفارشون شامل
ڪيون ته پير فدا محي الدين سرهندي جي
پٽ پير محمد اشرف کي جاگير ڏني وڃي.
** 1939ع ۾ اڄوڪي تاريخ تي ڪراچي مان شايع ٿيندڙ اخبار
روزاني الوحيد مسجد منزل گاهه واري معاملي تي ڪافي
مثبت لکيو ۽ سرڪار کي اهي صلاحون ڏنيون ته فوري
طور تي هي مسئلو حل ڪيو وڃي، نه ته مسلمان به تحريڪ
شروع ڪندا، جنهن کانپوءِ حڪومت وٽ ڪوبه
آپشن نه هوندو ۽ ڪو نقصان پڻ ٿي سگهي ٿو.
** 1950ع ۾ اڄوڪي تاريخ تي مولوي عبدالحق بلوچستان
سرڪار کان مطالبو ڪيو ته اردو ٻوليءَ کي
صوبي جي سرڪاري ٻولي قرار ڏنو وڃي.
** 1957ع ۾ اڄوڪي تاريخ تي ويسٽ پاڪستان ڪابينا ون
يونٽ جي حمايت ڪرڻ کان انڪار ڪندي چيو
ته صوبن کي خودمختياري ڏني وڃي.
** 1991ع ۾ اڄوڪي تاريخ تي پي ڊي اي سرڪار
خلاف اڇو چٺو جاري ڪري ڇڏيو، جنهن ۾ عام چونڊن دوران
اءِ جي آءِ پاران ڪيل ڌانڌلين جا ثبوت پيش ڪيا ويا، اڇي چٺي
۾ چيو ويو ته آءِ جي آءِ ڌانڌلين ذريعي گهٽ ۾ گهٽ 70 سيٽون حاصل ڪيون آهن.
**1998ع ۾ اڄوڪي تاريخ تي وزيراعظم نواز شريف
۽ ڀارتي وزيراعظم اٽل بهاري واجپائي ۾ اهم ملاقات ٿي،
جنهن ۾ واگها بارڊر ۽ کوکراپار توڙي موڻاٻائو سرحد ٻيهر
کولڻ تي اتفاق ڪيو ويو. ٻنهي ملڪن جي سربراهن دهلي
۽ لاهور وچ ۾ بس سروس شروع ڪرڻ جو فيصلو به ڪيو
.پاڪ ڀارت سربراهن جو چوڻ هو ته ٻنهي ملڪن ۾ تڪرارن
جي حل لاءِ ڳالهين جو پهريون دور اسلام آباد ۾ شروع ٿيندو،
جنهن کانپوءِ نئين دهلي ۾ ڳالهيون ڪيون وينديون. نيويارڪ
۾ ٿيل انهيءَ ملاقات دوران واجپائي ۽
نواز شريف ۾ هاٽ لائن قائم ڪرڻ تي به اتفاق ڪيو ويو
No comments:
Post a Comment