** 1835ع ۾ اڄوڪي تاريخ تي انگريزن جي سنڌ ۾ مقرر پوليٽيڪل
ايجنٽ ڪرنل پوٽينجر پنهنجي سرڪار کي آگاهي ڏني ته هو
ڀڄ واري علائقي ۾ موجود آهي ۽ مير رستم علي خان ٽالپر
جو وڪيل ديوان لڪشمڻ داس پڻ هتي پهتو آهي، هو ڪيترائي
تحفا ۽ پيغام کڻي آيو آهي، مير رستم خان انگريز
حڪومت سان دوستي جي خاطري ڪرائي ٿو.
** 1845ع ۾ اڄوڪي تاريخ تي ڪئنالن ۽ ٻيلن بابت سپرنٽينڊنٽ
سنڌ جي ڪمشنر وٽ سکر ۽ شڪارپور وچ ۾ بند تعمير
ڪرائڻ جي حوالي سان تجويزون جمع ڪرايون.
** 1922ع ۾ اڄوڪي تاريخ تي انگريزن خلاف هلندڙ خلافت
ڪاميٽي جي تحريڪ دوران باڊهه سان تعلق رکندڙ مولوي محمد صديق
مستقبل ۾ حڪومت کان ڪابه مالي امداد يا گرانٽ نه وٺڻ جو اعلان ڪيو.
** 1939ع ۾ اڄوڪي تاريخ تي لاڙڪاڻي سان تعلق
رکندڙ خانبهادر غلام محمد اسراڻ پنهنجن ڪجهه
ساٿين سان گڏ سکر پهتو ۽ مسجد منزل گاهه تحريڪ
۾ حصو ورتو، جڏهن ته پير غلام مجدد جا چاهيندڙ
پڻ مٽياري مان سکر پهتا، پير مجدد کي گرفتار ڪيو ويو هو.
** 1947ع ۾ اڄوڪي تاريخ تي پاڪستان جي قيام
کانپوءِ سرڪاري طور تي ڪاروهنوار هلائڻ جو
پهريون ڏينهن شروع ٿيو، مختلف آفيسن ۾ ويٺل ملازمن
سرڪاري ڪم جي شروعات ڪئي.
** 1952ع ۾ اڄوڪي تاريخ تي وزيراعظم لياقت علي خان
جي قتل جي جاچ لاءِ سرڪار طرفان
اعليٰ سطحي جاچ ڪميشن قائم ڪئي وئي.
** 1959ع ۾ اڄوڪي تاريخ تي هڪ سرڪاري نوٽيفڪيشن
جاري ڪري ڄاڻايو ويو ته گوادر جو علائقو قلات ڊويزن جي
مڪران ضلعي جي انتظامي ڪنٽرول ۾ رهندو.
** 1960ع ۾ اڄوڪي تاريخ تي صدر ايوب خان ۽ ڀارتي وزيراعظم
جواهر لال نهرو وچ ۾ پاڻي جي معاهدي تي صحيحون ڪيون ويون،
پاڪستان راوي، ستلج ۽ بياس نديون ڀارت کي
وڪرو ڪري ڇڏيون، جڏهن ته چناب،
جهلم ۽ سنڌو درياءَ پاڪستان پاڻ وٽ رکيا.
** 1977ع ۾ اڄوڪي تاريخ تي بيگم نصرت ڀٽو ذوالفقار علي ڀٽو
جي گرفتاري کي عدالت ۾ چئلينج ڪيو.هن جو موقف هو
ته ملڪ جي پهرين چونڊيل وزيراعظم کي غيرقانوني طور حراست ۾ رکيو ويو آهي.
No comments:
Post a Comment