** 1841ع ۾ اڄوڪي تاريخ تي هندستان جي گورنر جنرل انگريز
عملدار ليفٽيننٽ فيري کي هدايت ڪئي ته سنڌ ۽ بيگاري ڪئنالن
جي حوالي سان رپورٽ تيار ڪئي وڃي ۽ اهو ٻڌايو وڃي
ته انهن ڪئنالن کي ڪهڙي ريت ٻيڙا هلائڻ لاءِ استعمال
ڪري سگهجي ٿو يا آبپاشي مقصدن لاءِ ڪم آڻي سگهجي ٿو.
** 1884ع ۾ اڄوڪي تاريخ تي لاڙڪاڻي ۾ مرزا قلب علي
لاهوري جي سهڪار سان سنڌ محمدن ايسوسيئيشن
جي شاخ کولي وئي ۽ عهديدار چونڊيا ويا.
** 1933ع ۾ اڄوڪي تاريخ تي مشهور اسڪالر ڊاڪٽر
ايني بسنت وفات ڪري وئي، هوءَ پهرين آڪٽوبر 1847ع
تي لنڊن ۾ پيدا ٿي هئي، ڊاڪٽر ايني بسنت هندستان ۽
سنڌ ۾ ٿيوسافي تحريڪ جي اڳواڻ هئي، هن هوم رول ليگ
جو بنياد وڌو، رئيس غلام محمد ڀرڳڙي، سائين جي ايم سيد،
جمشيد مهتا ۽ ٻيا سنڌ جا ڪيترائي اڳواڻ سندس سياسي پوئلڳ رهيا،
ايني بسنت جي نالي سان حيدرآباد ۾ بسنت هال پڻ موجود آهي.
** 1949ع ۾ اڄوڪي تاريخ تي سنڌ ۾ جاگيرداري نظام جي
خاتمي لاءِ روينيو واري سيڪريٽري کي سنڌ سرڪار طرفان
هدايتون جاري ڪيون ويون ته هو ان حوالي سان
هڪ قانوني بل جو مسودو تيار ڪري.
** 1950ع ۾ اڄوڪي تاريخ تي پريس ۾ اها رپورٽ شايع ٿي
ته فاطمه جناح ۽ لياقت علي خان ڏانهن
مختلف مدن ۾ 24 لک رپين جون رهتون آهن.
** 1954ع ۾ اڄوڪي تاريخ تي حڪومت خيرپور،
بهاولپور ۽ بلوچستان کي صوبي جو درجو ڏيڻ
واري تجويز تي غور شروع ڪري ڇڏيو.
** 1955ع ۾ اڄوڪي تاريخ تي ڪجهه سياستدانن ايوب خان
کان اهو مطالبو ڪيو ته ون يونٽ واري معاملي تي ريفرنڊم ڪرايو وڃي.
** 1956ع ۾ اڄوڪي تاريخ تي پير علي محمد شاهه
راشدي کي حڪومت مصر ۾ پاڪستان جو سفير مقرر ڪيو.
No comments:
Post a Comment