** 1857ع ۾ اڄوڪي تاريخ تي اپر سنڌ لاءِ مقرر ڪليڪٽر سنڌ
جي ڪمشنر کي درخواست ڪئي ته روهڙي ۾ روڊ ٺاهڻ لاءِ
رٿا جي منظوري ڏني وڃي ۽ ان حوالي سان 3300 رپيا بجيٽ
به منظور ڪئي وڃي، درخواست ۾ روڊ تي خرچ ايندڙ رقم بابت
اهو چيو ويو ته ڪجهه رقم فيري فنڊ مان ۽ ڪجهه وري
ميونسپل فنڊ مان ڏني وڃي. روڊ ٺهڻ سان علائقي ۾ ترقي ۾ واڌ ٿيندي.
** 1954ع ۾ اڄوڪي تاريخ تي ملڪ ۾ قاديانين جي معاملي
تي شروع ٿيل وڳوڙن ۽ هنگامن جي جاچ لاءِ سرڪار
طرفان هڪ ٽربيونل جوڙيو ويو، جنهن جاچ مڪمل
ڪري پنهنجي رپورٽ پنجاب سرڪار وٽ جمع ڪرائي،
واضح رهي ته ان دور ۾ قادياني مخالف تحريڪ گهڻ
زور ورتو هو، جنهن ڪري پنجاب سميت مختلف
علائقن ۾ هنگاما ۽ وڳوڙ شروع ٿي ويا هئا.
** 1966ع ۾ اڄوڪي تاريخ تي انگلينڊ تاريخ
۾ پهريون ڀيرو فٽبال ورلڊڪپ کٽي ورتو،
ورلڊڪپ ٽورنامينٽ جي شروعات 1930ع
کان ٿي وئي هئي پر انگلينڊ کي اها ڪاميابي
1966ع ۾ حاصل ٿي، لنڊن جي اسٽيڊيم ۾ ٿيل
فائنل ۾ برطانوي راڻي ۽ شهزادي فلپ به
ميچ ڏٺي هئي، اٽڪل 93 هزار ماڻهو ميدان ۾ ميچ ڏسڻ لاءِ پهتا هئا.
** 1969ع ۾ اڄوڪي تاريخ تي حڪومت سياسي جماعتن
جي سرگرمين تي لڳل پابنديون نرم ڪرڻ شروع ڪري ڏنيون،
سياسي اڳواڻن کي چيو ويو ته اهي بند ڪمري ۾ گڏجاڻيون
ڪري سگهن ٿا ۽ ڪنوينشن به بند ڪمري ۾ ڪن،
جڏهن ته عوامي جاين تي سياسي جلسا
ڪرڻ تي پابندي برقرار رکي وئي.
** 1978ع ۾ اڄوڪي تاريخ تي ليفٽيننٽ جنرل چشتي
دعويٰ ڪئي ته احتساب ٿيڻ بعد ذوالفقار علي ڀٽو جي
حڪومت پنهنجو نالو، مقبوليت ۽ جمهوري سڃاڻپ وڃائي ڇڏي.
** 1993ع ۾ اڄوڪي تاريخ تي نگران وزيراعظم معين
الدين قريشي واشنگٽن ۾ آمريڪا جي نائب صدر سان ملاقات
ڪئي ۽ اهو چيو ته پاڪستان وٽ ايٽمي
هٿيار ٺاهڻ جي اهليت ۽ فني سهولت موجود آهي.
** 1996ع ۾ اڄوڪي تاريخ تي ملڪ ۾ نوان
ٽيڪس لاڳو ڪرڻ خلاف ٽرانسپورٽرن هڙتال
جو سڏ ڏئي ڇڏيو، جنهن ڪري ملڪ جي مختلف
شهرن ۾ پبلڪ ٽرانسپورٽ بند رهڻ ڪري
شهرين کي وڏي تڪليف کي منهن ڏيڻو پيو.
No comments:
Post a Comment