** 1848ع ۾ اڄوڪي تاريخ تي خيرپور جي مير حڪمران انگريزن جي
خيرپور ۾ مقرر ريزيڊنٽ آفيسر کي خط لکي آگاهي ڏني ته ڪنڌڪوٽ
۾ فوجي ڇانوڻي ٺاهڻ ۽ اتان جي بازار کي ڊاهڻ سان ماڻهن کي نقصان ٿيندو،
اهي مشڪلات ۾ اچي ويندا، ان ڪري پنهنجي سرڪار کي هن
اهم معاملي کان آگاهي ڏيو ۽ فوري طور ڇانوڻي ٺاهڻ وارو منصوبو رد ڪيو وڃي.
** 1853ع ۾ اڄوڪي تاريخ تي انگريز حڪومت خيرپور جي مير علي مراد خان
ٽالپر خلاف انتقامي ڪارروايون شروع ڪيون، مٿس ڪوڙو الزام لڳايو ويو
ته هن معاهدي ۾ تبديليون ڪيون آهن، سنڌ جي ڪمشنر کي هدايتون ڏنيون
ويون ته اهو مير علي مراد جي علائقن بابت روينيو رپورٽ جمع ڪرائي.
** 1950ع ۾ اڄوڪي تاريخ تي پاڪستان ڀارت جي ان تجويز جي
حمايت ڪئي جنهن ۾ چيو ويو هو ته ڪئنال واٽر تڪرار ايڪسپرٽ ڪاميٽي کي موڪليو وڃي.
** 1961ع ۾ اڄوڪي تاريخ تي وارسڪ ڊيم منصوبي جو افتتاح ڪيو ويو.
** 1963ع ۾ اڄوڪي تاريخ تي مخالف ڌر جي اتحاد نيشنل ڊيمو
ڪريٽڪ فرنٽ ڪراچي ۽ ڍاڪا ۾ اهم گڏجاڻيون گهرايون،
جنهن ۾ مستقبل جي ايڪشن پلان جي منظوري ڏني وئي،
ڪراچي ۾ گڏجاڻي جي صدارت شيخ عبدالمجيد سنڌي ڪئي،
جڏهن ته نوابزاده نصرالله خان، ولي خان، سردار بهادر خان،
سردار عطاءُالله مينگل، ميان طفيل احمد، پروفيسر غفور،
مير رسول بخش ٽالپر ۽ ٻين ناليوارين شخصيتن شرڪت ڪئي.
**1967ع ۾ اڄوڪي تاريخ تي آمريڪا جا 3 خلاباز اپولو ون
حادثي ۾ فوت ٿي ويا، آڪسيجن سان ڀريل خلائي ڪيپسول ۾
اوچتو باهه لڳي ۽ خلاباز ڪجهه سيڪنڊن اندر فوت ٿي ويا.اهو اپولو جو پهريون مشن هو.
** 1969ع ۾ اڄوڪي تاريخ تي ڪراچي جي لياقت آباد واري
علائقي ۾ هنگامن سبب فوج کي طلب ڪيو ويو ۽ ڪرفيو لڳايو ويو.
** 1971ع ۾ اڄوڪي تاريخ تي ذوالفقار علي ڀٽو ۽ شيخ مجيب
الرحمان وچ ۾ ٿيل ڳالهيون بنا نتيجي ختم ٿي ويون، شيخ مجيب
جو اهو اسرار هو ته سندس 6 نقطا ڪنهن به صورت ۾ قبول
ڪيا وڃن، ٻي ڪابه ڳالهه تسليم نه ڪندو. جڏهن ته سرڪار
ڇهن ئي نقطن تي عمل کان نابري واري ڇڏي.
** 1973ع ۾ اڄوڪي تاريخ تي بلوچستان جي گورنر مير غوث
بخش بزنجو وفاقي وزير خان عبدالقيوم خان تي الزام لڳايو ته هو
لسٻيلي واري علائقي ۾ ماڻهن کي هٿياربند ويڙهه لاءِ اڪسائي رهيو آهي.
No comments:
Post a Comment