** 1846ع ۾ اڄوڪي تاريخ تي ڪائونسل آف ايجوڪيشن حيدرآباد ۾ انگريزي
اسڪول قائم ڪرڻ جو فيصلو ڪيو، اهو غور ويچار 3 مهينا اڳ
ڪيو ويو هو پر حيدرآباد سان گڏ ڪراچي جو نالو به غور هيٺ
هو پر آخر ۾ حيدرآباد ۾ انگلش ميڊيم اسڪول جو فيصلو ٿي ويو.
** 1932ع ۾ اڄوڪي تاريخ تي سنڌ ۾ سڀني فرسٽ ڪلاس مئجسٽريٽن
کي سمري ڪورٽ جا اختيار ڏيڻ لاءِ ايڪٽ پاس ڪيو ويو،
اهو قانون ڪانگريس ۽ ان سان لاڳاپيل حامي جماعتن خلاف ايڪشن لاءِ آندو ويو هو.
** 1942ع ۾ اڄوڪي تاريخ تي قمبر ۾ مسلم ليگ ڪانفرنس ڪوٺائڻ
لاءِ شيخ عبدالمجيد سنڌي کي صدارت ڪرڻ جي درخواست ڪئي وئي.
** 1963ع ۾ اڄوڪي تاريخ تي ملڪ ۾ اسلامي روايتن کي هٿي ڏيڻ ۽
اسلامي طرز جو لباس پهرڻ بابت جاڳرتا لاءِ پاڪستان نيشنل
ٽرسٽ قائم ڪئي وئي، جنهن لباس ۾ ڪيتريون ئي تبديليون تجويز ڪيون.
** 1969ع ۾ اڄوڪي تاريخ تي جنرل رٽائرڊ اعظم خان حيدرآباد
۾ بار ايسوسيئيشن کي خطاب ڪندي انڪشاف ڪيو
ته 1962ع وارو آئين پاڪستان جي نظرئي ۽ عوام خلاف آهي.
** 1972ع ۾ اڄوڪي تاريخ تي بنگلاديش کي تسليم ڪرڻ تي
پاڪستان بلغاريا سان سفارتي لاڳاپا ختم ڪري ڇڏيا.
** 1985ع ۾ اڄوڪي تاريخ تي جنرل ضياءُالحق جي حڪومت
مارشل لا آرڊر جاري ڪيو ته ڪابه عوامي گڏجاڻي نه ڪوٺائي ويندي،
جڏهن ته قومي اسيمبلي ۽ صوبائي اسيمبلين جي چونڊ 25 ۽ 28 جنوري تي ڪرائي ويندي.
** 1993ع ۾ اڄوڪي تاريخ تي آمريڪا، برطانيا ۽ ان جي
اتحادي ملڪن عراق تي بمباري ڪئي، صدر صدام حسين به
جوابي ڪارروائي جو اعلان ڪيو.
** 1995ع ۾ اڄوڪي تاريخ تي ڪراچي پوليس مبينا مقابلي
۾ 6 ڌاڙيلن کي ماري مشهور واپاري سيٺ هارون دادا کي بازياب ڪرائي ورتو.
** 1996ع ۾ اڄوڪي تاريخ تي جنرل جهانگير ڪرامت عبدالوحيد
ڪاڪڙ جي رٽائرمينٽ کانپوءِ آرمي چيف جو عهدو سنڀالي ورتو.
** 2004ع ۾ اڄوڪي تاريخ تي برطانيا ۾ انجيڪشن هڻي
مريضن کي ماريندڙ سيريل ڪلر ڊاڪٽر هيرالڊ شپمين
جيل ۾ مئل حالت ۾ مليو، هن اٽڪل 200 ماڻهن کي موت جي ننڊ سمهاريو هو
No comments:
Post a Comment