** 1832ع ۾ اڄوڪي تاريخ تي
ڪرنل پوٽينجر کي
سنڌ ۾ انگريزن طرفان پنهنجو پوليٽيڪل ايجنٽ مقرر
ڪيو ويو، جنهن انگريزن جي سنڌ تي قبضي
۾ اهم ڪردار ادا ڪيو.هن پهرين سنڌ جي حڪمرانن
سان دوستي رکي، مراعتون ڏياريون ۽ پوءِ آهستي
آهستي
جاءِ ٺاهڻ شروع ڪئي، ڪرنل پوٽينجر مختلف وقتن تي
برطانوي عملدارن کي گهرائيندو رهيو ۽ سروي جي
نالي
تي علائقن جي ڄاڻ حاصل ڪئي وئي. هن حڪمرانن
سان ڪجهه معاهدا به ڪيا، جيڪي انگريزن جي فائدي
۾ ثابت ٿيا.انهن معاهدن جي
ڀڇڪڙي تي حڪمرانن کي
بعد ۾ سزائون به ڏياريون ويون.
** 1856ع ۾ اڄوڪي تاريخ تي
بمبئي حڪومت شڪارپور
مان بلوچ بٽالين کي هٽائڻ ۽ سکر ۾ به فورس جو
تعداد گهٽ
ڪرڻ تي غور شروع ڪيو پر سنڌ جي ڪمشنر
انهيءَ تجويز جي مخالفت ڪري ڇڏي ۽ پنهنجي
راءِ ڏني ته پوليس فورس جي تعداد کي وڌايو وڃي.
** 1957ع ۾ اڄوڪي تاريخ تي ريپبلڪن پارٽي
اهو واضح ڪيو ته اها ڪڏهن به ون يونٽ جي
حمايت نه ڪندي ۽ نه ئي وري مستقبل ۾ حمايت
جي حامي ڀري ويندي. ون يونٽ ملڪ لاءِ
نقصانڪار آهي، ان کي فورن ختم ڪيو وڃي.
** 1960ع ۾ اڄوڪي تاريخ تي جنرل ايوب خان
جي حڪومت ڊويزنل ڪائونسلون ٺاهيون، جيڪي
هن جي تيار ڪيل بنيادي جمهوري سسٽم جو
حصو هيون، انهن ڊويزنل ڪائونسلن
ويسٽ پاڪستان ۾ پنهنجو ڪم شروع ڪيو.
** 1965ع ۾ اڄوڪي تاريخ تي برطانوي
وزيراعظم هيرالڊ ولسن پاڪستان ۽ ڀارت
وچ ۾ رڻ آف ڪڇ تي هلندڙ تڪرار جي نبيري لاءِ
هڪ معاهدي جو مسودو موڪلي ڏنو، ٻنهي ملڪن
تڪرار حل ڪرڻ لاءِ واشنگٽن، لنڊن ۽ گڏيل قومن
کي تڪرار جي حل جو ذريعو قرار
ڏنو ۽ انهيءَ جي ٽياڪڙي قبول ڪئي.
** 1972ع ۾ اڄوڪي تاريخ تي صدر ذوالفقار
علي ڀٽو شملا مان پاڪستان روانو ٿيو،
هو ڀارت سان ڳالهين لاءِ شملا ويو هو.
واضح رهي ته پاڪستان ۽ ڀارت وچ ۾ 2
جولاءِ 1972ع تي شملا جي معاهدي تي
صحيحون ٿيون، پاڪستان طرفان ذوالفقار علي ڀٽو
۽ ڀارت طرفان وزيراعظم انڌرا گانڌي صحيح ڪئي.
معاهدي تحت ڀارت 80 هزار کان وڌيڪ جنگي
قيدي بڻايل پاڪستاني اهلڪار واپس
ڪيا ۽ قبضو ڪيل علائقو به واپس ڪيو.
** 1973ع ۾ اڄوڪي تاريخ تي قومي اسيمبلي
جي خصوصي ڪاميٽي جمعي ڏينهن سرڪاري
موڪل ڪرڻ جي سفارش ڪئي. واضح
رهي ته ملڪ ۾ ڪيتري ئي عرصي تائين
جمعي جو ڏينهن سرڪاري موڪل رهيو آهي.
** 1977ع ۾ اڄوڪي تاريخ تي ذوالفقار علي ڀٽو
جي ڪابينا ۾ شامل حفيظ پيرزادي اعلان ڪيو ته
حڪومت پي اين اي کان ڪوبه نئون مسودو نه
وٺندي ۽ نه ئي نئين معاهدي تي ڪا ڳالهه ٿيندي.
ڇوته پاڪستان نيشنل اتحاد (پي اي اي)
جا اڳواڻ پنهنجي ڳالهين تان ڦري ويا آهن.
No comments:
Post a Comment