** 1917ع ۾ اڄوڪي
تاريخ تي سنڌ گريجوئيٽ ايسوسيئيشن ليڪچر
پروگرام منعقد ڪرايو، جنهن ۾ آر ڊي
ڪرمارڪر هندستان جي
ستارن واري علم جي عنوان تي ليڪچر ڏنو، واضح رهي ته ان
دور ۾
مختلف اين جي اوز ليڪچر پروگرام منعقد ڪرائينديون
هيون ۽ هر اڱاري جي ڏينهن تي
اهڙا پروگرام ٿيندا هئا.
** 1932ع ۾ اڄوڪي
تاريخ تي لاهور ۾ منعقد ٿيل آل انڊيا مسلم
ڪانفرنس ۾ سنڌ مان شيخ عبدالمجيد سنڌي ۽
حاجي عبدالله هارون
شرڪت ڪئي، ڪانفرنس جي صدارت علامه اقبال ڪئي،
ڪانفرنس ۾ آيل
ماڻهن تمام گهڻو گوڙ ڪيو ۽ پروگرام کي متاثر
ڪرڻ جي ڪوشش ڪئي، ڪجهه ماڻهن کي علامه
اقبال جي
سياسي ڪردار تي اعتراض هو، شيخ عبدالمجيد سنڌي ڪانفرنس
۾ اٿي بيهي چيو ته
منهنجا سنڌي دوستو! مهرباني ڪري خاموش ٿي وڃو،
ان کانپوءِ خاموشي ٿي وئي ۽ پروگرام
جي ڪارروائي شروع
ڪئي وئي، واضح رهي ته شيخ عبدالمجيد جي نالي پويان سنڌي
جو لفظ
انهيءَ ڪانفرنس کانپوءِ پيو.
** 1935ع ۾ اڄوڪي تاريخ تي انڊين
ليجسليٽو اسيمبليءَ ۾ ڪراچي
رتوڇاڻ تي ڳالهائيندي سنڌ جي ميمبر لالچند نولراءِ چيو
ته سنڌ ۾
رهندڙ هندو ۽ مسلمان هڪ ئي سڪي جا ٻه پاسا آهن، مسلمانن ۽
هندن ۾
ڀائيچارو آهي، ڪجهه ماڻهو انهن ۾ اختلاف پيدا ڪرڻ
جي ڪوشش ڪري رهيا آهن پر اهي
ڪامياب نه ويندا.
** 1951ع ۾ اڄوڪي تاريخ تي وزيراعظم
لياقت علي خان راولپنڊي
سازش ڪيس جي مک جوابدار جو نالو ظاهر ڪيو، هڪ تقريب
۾
ڳالهائيندي لياقت علي خان چيو ته راولپنڊي سازش جو ماسٽر مائينڊ ميجر جنرل اڪبر
آهي.
** 1955ع ۾ اڄوڪي تاريخ تي چيف جسٽس
محمد منير جي
سربراهي ۾ فيڊرل ڪورٽ سنڌ هاءِ ڪورٽ جي مولوي تميز
الدين جي ڪيس ۾
ڏنل فيصلي کي برقرار رکيو.
** 1966ع ۾ اڄوڪي تاريخ تي ذوالفقار علي
ڀٽو چيو ته ڀارت
تاشقند معاهدي جي ڀڃڪڙي ڪري رهيو آهي.
** 1971ع ۾ اڄوڪي تاريخ تي جنرل يحيٰ
خان ۽ شيخ مجيب
الرحمان وچ ۾ ٿيل ڳالهيون ناڪام ٿي ويون، جنهن کانپوءِ
جنرل يحيٰ
خان ذوالفقار علي ڀٽو کي ڍاڪا ۾ طلب ڪيو،
کيس چيو ويو ته هو ڳالهين جي ڪاميابي ۽
صورتحال جي بهتري لاءِ پنهنجو ڪردار ادا ڪري.
** 1999ع ۾ اڄوڪي تاريخ تي پونم جي
حيدرآباد ۾ ٿيل جلسي
۾ وفاقي حڪومت کي چتاءُ ڏنو ويو ته جيڪڏهن ننڍن صوبن
کي حق نه
ڏنا ويا ته پوءِ ملڪ ۾ جهيڙو ٿيو ۽ ملڪ ٽٽي ويو
ته ذميوار پنجاب پاڻ هوندو. پنجاب
جو حڪمران طبقو مظلوم قومن جا حق ڦٻائي ويٺو آهي.
No comments:
Post a Comment