** 1940ع ۾ اڄوڪي
تاريخ تي سنڌ اسيمبليءَ جي عمارت جي اڏاوت
جو ڪم شروع ٿيو، پيڙهه جو پٿر رکڻ واري
تقريب ۾ گورنر سر
لينسلاٽ گراهم خاص مهمان طور شرڪت ڪئي.
** 1950ع ۾ اڄوڪي
تاريخ تي پير الاهي بخش کي مسلم ليگ مان 5 سالن لاءِ نيڪالي ڏني وئي.
** 1951ع ۾ اڄوڪي تاريخ تي اين ڊبليو
ايف پي (خيبرپختونخوا)
جي گورنر آءِ آءِ چندريگر صوبائي اسيمبلي برطرف ڪري ڇڏي.
** 1969ع ۾ اڄوڪي تاريخ تي راولپنڊي ۾
حڪومت ۽ مخالف
ڌر ۾ ڳالهيون شروع ٿيون، ذوالفقار علي ڀٽو، مولانا ڀاشاني ۽
جنرل
اعظم ڳالهين ۾ شامل ٿيڻ کان انڪار ڪيو، جڏهن ته اپوزيشن
جي ٻين اڳواڻن ۾ مولانا
مودودي، نوابزاده نصرالله خان،
مفتي محمود، سردار شوڪت حيات ۽ ٻين ڳالهين ۾ شرڪت
ڪئي،
صدر ايوب خان مخالف ڌر کي ڳالهين جي آڇ ڪئي هئي،
جيڪا نوابزاده نصرالله خان
قبول ڪري ورتي.
** 1989ع ۾ اڄوڪي تاريخ تي سپريم ڪورٽ
قومي اسيمبلي
کي 29 مئي 1988ع تي ٽوڙڻ واري فيصلي کي غير آئيني قرار
ڏئي
ڇڏيو، سپريم ڪورٽ محمد خان جوڻيجو حڪومت
جي حمايت ۾ فيصلو جاري ڪيو، جنرل
ضياءُالحق سندس حڪومت کي برطرف ڪري ڇڏيو هو.
** 1998ع ۾ اڄوڪي تاريخ تي لاهور ۾
والٽن اسٽيشن تي
زوردار بم ڌماڪو ٿيڻ جي نتيجي ۾ 10 ڄڻا مارجي ويا
۽ 50 کان وڌيڪ
زخمي ٿيا. پاڪستان حڪومت انهن
ڌماڪن جو الزام ڀارتي ڳجهي اداري ”را“ تي لڳائي
ڇڏيو.
ريل گاڏي ۾ ڌماڪو ان وقت ٿيو جڏهن اها قصور کان لاهور
طرف اچي رهي هئي، ڌماڪي
بعد بوگين کي باهه لڳي وئي،
جنهن ۾ ڪيترائي ماڻهو شديد زخمي به ٿيا.
** 2008ع ۾ اڄوڪي تاريخ تي صدر پرويز
مشرف استعيفا
ڏيڻ کان انڪار ڪندي چيو ته ايوان صدر ۽ نئين پارليامينٽ ۾
ڇڪتاڻ پيدا
ٿي ته ملڪ ۾ وڏي تباهي ايندي.
** 2003ع ۾ اڄوڪي تاريخ تي حڪومت ۽
اپوزيشن ۾ ايل ايف
او تي ڳالهيون شروع ٿيون، معاملو نبيرڻ تائين قومي اسيمبلي جو
اجلاس طلب نه ڪرڻ جو فيصلو به ڪيو ويو. چوڌري شجاعت
جي سربراهي ۾ حڪومتي ٽيم سان
قاضي حسين، خورشيد شاهه،
جاويد هاشمي، محمود اچڪزئي ۽ ٻين ڳالهيون ڪيون.
No comments:
Post a Comment