** 1940ع ۾ اڄوڪي
تاريخ تي سنڌ مسلم ليگ ۽ ان جي سوين برانچن
طرفان لاهور ۾ پاس ٿيل قرارداد پاڪستان
جي حمايت ۾ ڏهاڙو ملهايو ويو،
ان حوالي سان مختلف شهرن ۾ گڏجاڻيون ڪوٺايون ويون ۽
ڪيترائي ٺهراءُ پاس
ڪري پاڪستان جي آزادي لاءِ مسلم ليگ طرفان تيار ڪيل خاڪي جي حمايت
ڪئي وئي.
** 1941ع ۾ اڄوڪي
تاريخ تي لائيو اسٽاڪ امپروومينٽ ڪانفرنس منعقد
ڪئي وئي، جنهن ۾ سنڌ جي سڀني
ڊسٽرڪٽ لوڪل بورڊن ۽ ميونسپل
ڪاميٽين جي نمائندن شرڪت ڪئي، ڪانفرنس ۾ سيڙپڪاري جي
معاملن تي ڳالهايو ويو.
** 1944ع ۾ اڄوڪي تاريخ تي لاڙڪاڻي ۾
پنجين آل سنڌ ادبي
ڪانفرنس ڪوٺائي وئي، جنهن جي صدارت ڊاڪٽر محمد ابراهيم خليل
ڪئي،
انهيءَ ڪانفرنس ۾ وڏي انگ ۾ شاعرن، اديبن ۽ دانشورن شرڪت ڪئي.
** 1953ع ۾ اڄوڪي تاريخ تي سيد ميران
محمد شاهه اسپين ۾ سفير
طور عهدي تان استعيفيٰ ڏئي ڇڏي.
** 1955ع ۾ اڄوڪي تاريخ تي ڪميونسٽ
اڳواڻ سجاد ظهير کي ٻيهر گرفتار ڪيو ويو.
** 1963ع ۾ اڄوڪي تاريخ تي آمريڪا
پاڪستان ۽ ڀارت لاءِ
ڪشمير جي ورهاڱي جو هڪ فارمولو پيش ڪيو، جيڪو ٻنهي ملڪن قبول
نه ڪيو.
** 1969ع ۾ اڄوڪي تاريخ تي فرانس
پاڪستان کي خاطري ڪرائي ته
هو پاڪستان ۾ ايٽامڪ انرجي جي ترقي لاءِ پاڪستان جي هر
ممڪن
مدد ڪندو، فرانس جي ايڊمنسٽريٽر جنرل آف انرجي ڪميشن اهڙو
اظهار پاڪستان جي
دوري دوران ڪيو.
** 1971ع ۾ اڄوڪي تاريخ تي پاڪستان
مخالف قوتن کي سختي سان
منهن ڏيڻ لاءِ وفاقي سرڪار طرفان هڪ نئون آرڊيننس جاري
ڪيو
ويو، جنهن ۾ ڪيتريون ئي سزائون تجويز ڪيون ويون.
** 1976ع ۾ اڄوڪي تاريخ تي بلوچستان ۾
سرداري سسٽم
جي خاتمي جو اعلان ڪيو ويو، وزيراعظم ذوالفقار علي ڀٽو چيو
ته صوبي ۾
سردار پنهنجا نجي جيل فورن بند ڪن.
** 2003ع ۾اڄوڪي تاريخ تي عراق ۾ آمريڪي
فورسز صدر
صدام حسين جو مک چوڪ تي لڳل وڏو مجسمو ڊاهي ڇڏيو ۽
ان جي تذليل
ڪئي.بغداد ۾ لڳل انهيءَ مجسمي کي ڊاهي روڊن
تي گهليو ويو. اهي منظر ٽي وي تي سڄي
دنيا ڏٺا.
** 2005ع ۾ اًڄوڪي تاريخ تي برطانوي
شهزادي چارلس ڪاميلا پارڪر
سان ٻي شادي ڪئي. انهن ٻنهي وچ ۾ اٽڪل 30 سالن تائين
رومانس هليو.
شادي تقريب ۾ 20 هزارن کان وڌيڪ مهمانن شرڪت ڪئي.
No comments:
Post a Comment