** 1858ع ۾ اڄوڪي
تاريخ تي ڪراچي کان ڪوٽڙي تائين ريلوي لائين
وڇائڻ جو ڪم شروع ڪيو ويو، ان حوالي
سان رٿا جو افتتاح سنڌ جي ڪمشنر ڪراچي ۾ ڪيو.
** 1927ع ۾ اڄوڪي
تاريخ تي نوابشاهه ۾ مولانا حڪيم محمد صديق
مورائي جي صدارت ۾ هڪ گڏجاڻي ٿي، جنهن
۾ وڏي تعداد ۾ ماڻهن
شرڪت ڪئي، گڏجاڻي ۾ لاڙڪاڻي ۾ پيش آيل مذهبي فسادن جي حوالي
سان ڳالهيون ڪيون ويون ۽ حڪومت کان مطالبو ڪيو ويو ته وڳوڙين
خلاف ايڪشن کنيو وڃي
۽ سڀني ماڻهن کي امن امان فراهم ڪيو وڃي.
** 1931ع ۾ اڄوڪي تاريخ تي هندستاني
پارليامينٽ جي ڪنزرويٽو
ميمبرن برطانوي سرڪار جي هندستان بابت پاليسي جي سخت
مخالفت ڪئي.
** 1939ع ۾ اڄوڪي تاريخ تي ڪانگريس جي
صدر سڀاش چندر
ابوس مهاتما گانڌي کان اختلافن کانپوءِ آخرڪار استعيفيٰ ڏئي ڇڏي.
** 1945ع ۾ اڄوڪي تاريخ تي لاڙڪاڻي ۾
بزم مشاعره طرفان
هڪ وڏو مشاعرو ڪرايو ويو، جنهن ۾ قادري خاندان جي ادبي
خدمتن کي
خراج پيش ڪيو ويو، اهو مشاعرو بعد ۾ اديب سنڌ رسالي ۾ ڇپيو هو.
** 1947ع ۾ اڄوڪي تاريخ تي بنگال
ليجسليٽو اسيمبلي
ڪانگريس پارٽي جي رٿ کي رد ڪري ڇڏيو، اها رٿ بنگال
۾ ميڊيا تي
پري سينسر شپ لاڳو ڪرڻ خلاف هئي، رٿ جي
حمايت ۾ صرف 15 ووٽ پيا جڏهن ته 29 ميمبرن
مخالفت
ڪئي، رٿ ۾ پوليس جي ناڪاري سرگرمين کي پڻ تنقيد جو نشانو بڻايو ويو هو.
** 1972ع ۾ اڄوڪي تاريخ تي غوث بخش
بزنجو بلوچستان،
سڪندر خان خليل اين ڊبليو ايف پي ۽ رسول بخش ٽالپر سنڌ
جي گورنر
طور پنهنجن عهدن جو حلف کڻي ورتو.
** 1978ع ۾ اڄوڪي تاريخ تي مولانا مفتي
محمود جنرل ضياءُالحق
جي مارشل لا واري حڪومت جو ساٿ ڏيڻ ۽ حڪومت ۾ شامل ٿيڻ جو
اعلان ڪيو.
** 1993ع ۾ اڄوڪي تاريخ تي ڪراچي جي
دهشتگردي جي
انت واري خصوصي عدالت ايم ڪيو ايم جي سربراهه الطاف حسين
۽ ٻين خلاف
اغوا ۽ ميجر ڪليم کي ٽارچر ڪرڻ واري ڪيس ۾
فرد جرم لاڳو ڪري ڇڏيو، ايم ڪيو ايم
اڳواڻن خلاف اهو به الزام
هو ته انهن قانون لاڳو ڪندڙ ادارن جي اهلڪارن تي تشدد
ڪيو آهي.
No comments:
Post a Comment