** 1919ع ۾ اڄوڪي
تاريخ تي انگريز حڪومت طرفان ڊاڪٽر ستياپال ۽
سيف الدين کي گرفتار ڪرڻ خلاف امرتسر
۽ لاهور ۾ هنگاما شروع ٿي ويا،
لاهور ۾ انارڪلي ويجهو پوليس جي فائرنگ جي نتيجي ۾
ڪيترائي
ماڻهو مارجي ويا، سرڪاري عمارتن کي باهيون ڏنيون ويون ۽
ڪيترن ئي برطانوي
شهرين کي پڪڙي مارڪٽ ڪئي وئي.
** 1918ع ۾ اڄوڪي
تاريخ تي بنگل ديرو وديالا جو ساليانو فنڪشن ٿيو،
جنهن جي صدارت ڊپٽي ڪليڪٽر
رتوديرو ڪئي، پروگرام ۾ ٻڌايو ويو ته
وديالا طرفان 11 مسلمان ۽ 54 هندو شاگردن کي
تعليم ڏني پئي وڃي،
جن جو تعلق 8 ڳوٺن سان آهي، وديالا جي سالياني آمدني 1115 رپيا
آهي،
جڏهن ته خرچ 1050 رپيا آهي، ان موقعي تي ڊسٽرڪٽ لوڪل بورڊ
لاڙڪاڻو وديالا
لاءِ 500 رپيا گرانٽ منظور ڪئي.
** 1940ع ۾ اڄوڪي تاريخ تي برطانوي
حڪومت طرفان هندستاني
آئيني سڌارن بابت وائيٽ پيپر ڇپرايو ويو.
** 1965ع ۾ اڄوڪي تاريخ تي پاڪستان ۽
سوويت يونين حق
خوداراديت لاءِ وڙهندڙ ماڻهن جي حمايت جو اعلان ڪيو،
ان حوالي سان
ماسڪو ۽ ڪراچي ۾ گڏيل بيان جاري ڪيو ويو.
** 1985ع ۾ اڄوڪي تاريخ تي نواز شريف
پنجاب جي وڏي وزير طور عهدي جو حلف کڻي ورتو.
** 1986ع ۾ اڄوڪي تاريخ تي ذوالفقار علي
ڀٽو جي نياڻي بينظير ڀٽو
جلاوطني ختم ڪري لنڊن مان لاهور پهتي ته سندس شاندار
استقبال ڪيو ويو،
هن اعلان ڪيو ته پ پ اقتدار ۾ اچي ڪنهن کان به بدلو وٺڻ واري
پاليسي تي عمل نه ڪندي.
** 1988ع ۾ اڄوڪي تاريخ تي اوجهڙي ڪئمپ
وارو واقعو پيش
آيو، جنهن ۾ هٿيارن ۽ بارود کي باهه لڳڻ سبب وڏا ڌماڪا ٿيا، نتيجي
۾ 100 کان وڌيڪ ماڻهو مارجي ويا، جڏهن ته اڳوڻي وزير خاقان
عباسي سميت هڪ هزار کان
وڌيڪ ماڻهو زخمي ٿي پيا، جنرل ضياءُالحق
جي حڪومت ۾ پيش آيل انهيءَ واقعي تي عالمي
طور تي سخت ردعمل سامهون آيو.
No comments:
Post a Comment