** 1841ع ۾ اڄوڪي
تاريخ تي هندستان جي گورنر جنرل افغانستان ۾ جنگ
لاءِ منتقل ٿيندڙ فوج جي ڳري
آرٽلري موسم جي خرابي سبب بولان جي
رستي کان واپس آڻي سکر ۾ رکڻ جو حڪم جاري ڪيو.
** 1940ع ۾ اڄوڪي
تاريخ تي سنڌ مسلم ليگ پاران سنڌ جي مک شهرن
۾ پاڪستان ڏهاڙو ملهايو ويو، جنهن
دوران ريليون پڻ ڪڍيون ويون.
** 1950ع ۾ اڄوڪي تاريخ تي پاڪستان
جو وزيراعظم لياقت علي خان
آمريڪي صدر ٽرومين جي ذاتي دعوت تي آمريڪا روانو
ٿيو،
هن ملاقات کي پاڪستان جي ڪميونسٽ مخالف
پاليسي جي پس منظر ۾ اهم قرار ڏنو ويو
هو.
** 1954ع ۾ اڄوڪي تاريخ تي مسلم ليگ
قانونساز اسيمبلي مان
اردو ۽ بنگالي ٻولين کي پاڪستان جون رياستي ٻوليون قرار ڏيڻ
جي منظوري ورتي.
** 1962ع ۾ اڄوڪي تاريخ تي صدر ايوب خان
هڪ آرڊر جاري ڪيو،
جنهن ۾ ڄاڻايو ويو ته قومي اسيمبلي توڙي صوبائي اسيمبلي جي
ميمبر
جي ڪنهن به سياسي پارٽي سان وابستگي کي غير قانوني قرار ڏنو
ويندو ۽ ان
اميدوار کي نااهل قرار ڏنو ويندو.
** 1977ع ۾ اڄوڪي تاريخ تي پاڪستان ليبر
الائنس
وزيراعظم ذوالفقار علي ڀٽو جي استعيفيٰ جو مطالبو ڪندي
سڄي ملڪ ۾ هڙتال جو
سڏ ڏنو، جڏهن ته ان هڙتال ۾ پي
آءِ اي جي پائليٽن ۽ انجنيئرن پڻ حصو ورتو.
** 1995ع ۾ اڄوڪي تاريخ تي آمريڪي رياست
اوڪلاهوما
۾ بم ڌماڪن جي نتيجن ۾ 168 کان وڌيڪ ماڻهو مارجي ويا ۽
ڪيترائي زخمي
ٿيا. سرڪاري عمارت ۾ ٿيل ڌماڪن ۾ ڪيترائي ٻار به متاثر ٿيا.
** 1996ع ۾ اڄوڪي تاريخ تي ڏکڻ آفريقا
جي ڪرڪيٽ
ٽيم ڀارت کي 38 رنسن تان شڪست ڏئي شارجا ڪپ کٽي ورتو،
گيري ڪرسٽن 115
رنسون ٺاهيون، کيس ميچ ۽ ٽورنامينٽ جو بهترين رانديگر قرار ڏنو ويو.
No comments:
Post a Comment