**
1911ع ۾ اڄوڪي تاريخ تي ناليواري سماج سڌارڪ ۽ فلاسافر ديوان
ديارام گدومل هڪ
سماجي تنظيم ديوان ميٺارام ٽرسٽ رجسٽرڊ ڪرائي،
هن تنظيم ڪيترن ئي سالن تائين
سماجي، تعليمي ۽ مذهبي خدمتون سرانجام ڏنيون.
**
1932ع ۾ اڄوڪي تاريخ تي ڪراچي ۾ اينٽي سيپريشن ڪاميٽي
جي گڏجاڻي ٿي گذري، جنهن ۾
شريڪ ٿيل سنڌي هندن مطالبو ڪيو
ته سنڌ کي بمبئي پريزيڊنسي سان لاڳاپيل رهڻ گهرجي،
بمبئي کان ڌار نه ڪيو وڃي.
** 1973ع ۾ اڄوڪي
تاريخ تي صدر ذوالفقار علي ڀٽو قومي اسيمبلي
مان پاس ٿيل متفقه آئين جي توثيق ڪري
ڇڏي.حڪومت
انهيءَ آئين کي پنهنجي وڏي ڪاميابي قرار ڏنو.
** 1977ع ۾ اڄوڪي
تاريخ تي ڊاڪٽر مبشر حسين پيپلزپارٽي جي جنرل
سيڪريٽري واري عهدي تان استعيفيٰ ڏئي
ڇڏي.
** 1991ع ۾ اڄوڪي
تاريخ تي پاڪستان کي گڏيل قومن جي انهن 35
ملڪن ۾ شامل ڪيو ويو جن کي ڪويت عراق
سرحد وٽ گڏيل قومن جي امن فوج ۾ شامل ٿيڻو هو.
** 1994ع ۾ اڄوڪي
تاريخ تي ايوان صدر اسلام آباد ۾ پاڻي جي تڪرار
بابت اهم گڏجاڻي ٿي، جنهن ۾ چئني
صوبن ۾ پاڻي ورڇ بابت ٽه نڪاتي فارمولي
تي اتفاق ٿيو، پاڻي ۽ بجلي جي وفاقي وزير
غلام مصطفيٰ کر جي سربراهي
۾ بين الصوبائي ڪاميٽي قائم ڪئي وئي، جنهن کي اهو
مينڊيٽ ڏنو ويو ته
اها ارسا کي پنهنجون سفارشون پيش ڪندي، پاڻي ورڇ ۾ ناانصافي جي
شڪايتن جي ازالي لاءِ وهڪرن تي آٽوميٽڪ واٽر گيج لڳائڻ جو فيصلو ڪيو ويو.
اجلاس ۾
سنڌ جي نمائندگي وڏي وزير سيد عبدالله شاهه ڪئي.
** 1998ع ۾ اڄوڪي
تاريخ تي وزيراعظم نواز شريف سڄي ملڪ ۾ 428 خدمت
ڪاميٽيون قائم ڪري ڇڏيون، 5 هزار
ميمبرن قسم کڻي ورتو، سرڪار طرفان
اهو پڌرو ڪيو ويو ته جيڪو به ڪامورو خدمت
ڪاميٽي جي فيصلن کي قبول
نه ڪندو ان خلاف سروس ٽربيونل يا عدالت ۾ ڪيس هلندو. وزيراعظم
جو چوڻ
هو ته اهو ڪو نئون نظام ناهي، خدمت ڪاميٽين کي ناڪام
ڪرڻ جون سازشون ڪندڙ
پاڻ ناڪام ٿي ويندا.
No comments:
Post a Comment