** 1926ع ۾ اڄوڪي
تاريخ تي حيدرآباد ۾ دي سنڌ نيشنل ڪاليج اميچوئر
ڊراماٽڪ سوسائٽي طرفان اسٽيج
ڊرامو ”دغا باز دنيا“ پيش ڪيو ويو،
جيڪو ليلا رام ماکيجاڻي جو لکيل هو، واضح رهي
ته انهي دور ۾
ڪيترائي اسٽيج ڊراما ڪيا ويندا هئا، سنڌ کان ٻاهر جا اداڪار به
اسٽيج ڊراما ڪرڻ لاءِ هتي ايندا هئا. اهو ٿيٽر جي عروج جو دور هو.
** 1945ع ۾ اڄوڪي
تاريخ تي جرمني غير مشروط طور تي هٿيار
ڦٽا ڪري ڇڏيا ۽ اهڙي طرح يورپ ۾ 6 سالن کان
جاري جنگ جو
خاتمو آيو، جنگ ختم ڪرڻ جو باضابطا اعلان هڪ سرڪاري پريس ڪانفرنس ۾
ڪيو ويو.
** 1946ع ۾ اڄوڪي تاريخ تي سنڌ ڪانگريس
طرفان سنڌ ۾ ڀولا ڀائي ڊيسائي ڏهاڙو ملهايو ويو.
** 1961ع ۾ اڄوڪي تاريخ تي ڪابينا جي 7
رڪني ڪاميٽي آئيني
تجويزن تي غور لاءِ ڪم شروع ڪري ڏنو.
** 1972ع ۾ اڄوڪي تاريخ تي پاڪستان ۽
چين نئون سرحدي
معاهدو طئي ڪري ورتو، ٻنهي ملڪن جي نمائندن انهي معاهدي تي صحيحون
ڪيون.
** 1976ع ۾ اڄوڪي تاريخ تي اٽلي ۾ آيل
خطرناڪ زلزلي
وڏي تباهي مچائي ڇڏي، 550 ماڻهو فوت ٿي ويا ۽ هزارين زخمي ٿيا،
جڏهن
ته لکن جي تعداد ۾ ماڻهو بي گهر ٿي ويا، اسپتالن ۾ هنگامي حالتن جو اعلان ڪيو ويو.
** 1995ع ۾ اڄوڪي تاريخ تي سعودي عرب ۾
حج جي سيزن
دوران منيٰ ۾ حاجي سڳورن جي خيمن کي باهه لڳي وئي، جنهن
جي نتيجي ۾ 9
هزار خيما سڙي ويا، 5 ڄڻا فوت ۽ ڪيترائي زخمي ٿيا،
جن کي اسپتال نيو ويو. زخمي ٿيل
حاجي سڳورن ۾ ڪيترائي پاڪستاني
حاجي به شامل هئا، انهن جا اٽڪل 7 هزار خيما سڙيا،
سعودي
اختيارين واقعي جي جاچ جو حڪم ڏئي ڇڏيو، جڏهن ته سعودي
۾ گرمي سبب فوت ٿيل
پاڪستانين جو انگ 51 ٿي ويو.
** 2001ع ۾ اڄوڪي تاريخ تي سنڌ ۾ گرميءَ
جي شديد لهر جي
نتيجي ۾ 26 کان وڌيڪ ماڻهو فوت ٿي ويا، جيڪب آباد، لاۡڙڪاڻي،
قمبر،
موري، سکر، ڪوٽڏيجي ۽ ٻين شهرن ۾ گرمي ۾ ماڻهو فوت ٿيا
۽ ڪيترن کي بيهوشي جي حالت
۾ اسپتال آندو ويو، موسميات کاتي
اها گرمي اڃا به جاري رهڻ جي اڳڪٿي به ڪئي هئي.
No comments:
Post a Comment