** 1835ع ۾ اڄوڪي تاريخ تي سنڌ جي حڪمرانن شاهه شجاع الملڪ کي
وڏي رقم ادا ڪرڻ لاءِ ٿرپارڪر جي علائقي مان وصولي شروع ڪئي،
ان ڪم لاءِ سنڌ جي حڪمرانن ڀڄ ۾ مقرر انگريزن جي پوليٽيڪل
ايجنٽ کان مدد پڻ طلب ڪئي، سنڌي حڪمرانن پنهنجي درخواست
۾ چيو ته ٿرپارڪر ۾ برطانوي فوجي دستا موڪليا وڃن ته جيئن
اسان پنهنجو ڪم مڪمل ڪري سگهون، ان معاملي تي انگريزن
جي سنڌ ۾ مقرر پوليٽيڪل ايجنٽ ڪرنل پوٽينجر ڀڄ ۾ مقرر
اسسٽنٽ پوليٽيڪل ايجنٽ کي صلاح ڏني ته حڪمرانن کي اهڙي
قسم جي مدد فراهم نٿي ڪري سگهجي.
** 1920ع ۾ اڄوڪي تاريخ تي لاڙڪاڻو ٻن سياسي گروپن ۾ ورهائجي ويو،
بئرسٽر جان محمد جوڻيجي سرائي غلام محمد، سرائي امير علي لاهوري
۽ فقير علي محمد قادري خلاف عدالت ۾ درخواست داخل ڪئي،
درخواست ۾ هن ڄاڻايو ته ڄاڻايل ماڻهن ڪليڪٽر ۽ ڊي ايس پي کي
خلافت ڪاميٽي جي گڏجاڻي بابت غلط معلومات فراهم ڪئي آهي،
ٻئي پاسي عبدالڪريم نالي شخص جان محمد جوڻيجو ۽ سندس 8
ساٿين خلاف درخواست داخل ڪئي، جيڪا ڊسٽرڪٽ مئجسٽريٽ
لاڙڪاڻو جي عدالت ۾ داخل ڪئي وئي.
** 1922ع ۾ اڄوڪي تاريخ تي سڪرنڊ ۾ امن سڀا جي گڏجاڻي ٿي،
جنهن جي صدارت نوابشاهه جي ڪليڪٽر اي جي بولس ڪئي،
گڏجاڻي ۾ چندومل، جڳت راءِ ۽ ٻين شرڪت ڪئي،
هنن خلافت ڪاميٽي طرفان شروع ڪيل تحريڪ خلاف تقريرون ڪيون.
** 1926ع ۾ اڄوڪي تاريخ تي حيدرآباد ۾ هوم رول ليگ سياست ۾
عوام جي شرڪت کي يقيني بڻائڻ لاءِ جاڳرتا مهم شروع ڪئي،
ناليواري ليکڪ ڄيٺمل پرسرام گلراجاڻي ۽ ٻين
ان حوالي سان مختلف گڏجاڻيون پڻ ڪوٺايون.
** 1927ع ۾ اڄوڪي تاريخ تي ڪراچي ۾ رام گوپال مهتا هندو
جيمخانو کوليو ويو، جنهن جي افتتاحي تقريب ۾ خاص
مهمان سنڌ جو ڪمشنر ڊبليو ايف هڊسن هو.
** 1934ع ۾ اڄوڪي تاريخ تي خان بهادر ايوب کهڙي علامه اقبال
سميت پنجاب جي سياستدانن کي خط موڪليا ۽ سنڌ کي
بمبئي کان ڌار ڪرڻ واري معاملي تي هلندڙ تحريڪ ۾
حمايت گهري. جنهن جي موٽ ۾ سنڌ وارا پنجاب جي تعليمي
ادارن ۾ مدد ڪندا، واضح رهي ته علامه اقبال ۽ علامه يوسف
علي تعليمي معاملن بابت سنڌ سان الحاق واري تجويز جي مخالفت ڪئي هئي.
** 1991ع ۾ اڄوڪي تاريخ تي پاڪستان سعودي عرب ۾ پاڪ
جاين جي حفاظت لاءِ 5 هزار فوجي دستا موڪلي ڏنا،
ان وقت ۾ خليجي ملڪن وچ ۾ ڇڪتاڻ پيدا ٿي هئي
No comments:
Post a Comment