** 1857ع ۾ اڄوڪي تاريخ تي سنڌ جي انگريز سرڪار طرفان فيصلو
ڪيو ويو ته ڪراچي ۽ ملتان وچ ۾ رابطي لاءِ ٻيڙيون دستياب نه آهن،
ان ڪري ڪراچي هاربر تي ٻيڙيون ٺاهڻ جو ڪم شروع ڪيو
وڃي ته جيئن انهن کي ڪنهن ايمرجنسي جي صورت ۾ استعمال ڪري سگهجي.
** 19431ع ۾ اڄوڪي تاريخ تي ڪراچي جي خالق ڏنو هال ۾ مولانا دين
محمد وفائي جي صدارت ۾ هڪ سياسي پروگرام ٿيو، جنهن ۾ مولانا
عبدالڪريم چشتي ۽ ٻين شرڪت ڪئي، جڏهن ته امروٽ خلافت
ڪاميٽي جا عهديدار پڻ چونڊيا ويا، مولوي نظام الدين، ميان
عبدالرحمان، سيد امير علي شاهه ۽ ميان علي محمد ترتيبوار صدر،
سيڪريٽري ۽ خزانچي چونڊيا ويا.
** 1937ع ۾ اڄوڪي تاريخ تي سنڌ يونائيٽيڊ پارٽي جي ايگزيڪيوٽو
ڪاميٽي ايندڙ چونڊن جي حوالي سان اميدوارن
جي فهرست کي حتمي شڪل ڏئي ڇڏي.
** 1965ع ۾ اڄوڪي تاريخ تي صدارتي چونڊن ۾ صدر ايوب خان
کان هارائيندڙ فاطمه جناح هڪ تقريب کي خطاب ڪندي چيو
ته هوءَ ملڪ ۾ جمهوريت جي بحالي لاءِ مضبوط ارادي سان
پنهنجي جدوجهد جاري رکندي.
** 1966ع ۾ اڄوڪي تاريخ تي ايوب خان ذوالفقار علي ڀٽو
سان گڏ تاشقند پهتو، جتي سوويت يونين جي وزيراعظم سندن
جو استقبال ڪيو، پاڪستان ۽ سوويت يونين ۾ ڳالهين لاءِ
ٻنهي ملڪن جا اڳواڻ تاشقند پهتا. واضح رهي ته ايوب جي دور
۾ مشهور تاشقند معاهدو ٿيو هو، جنهن تي تنقيد به ٿي هئي.
** 1976ع ۾ اڄوڪي تاريخ تي وزيراعظم ذوالفقار علي ڀٽو ڪراچي
کي ميونسپالٽي مان ميٽروپوليٽن ڪارپوريشن جو درجو ڏنو.
** 1980ع ۾ اڄوڪي تاريخ تي افغانستان جو نئون صدر ببرڪ ڪمال
منظر تي آيو ۽ سوويت يونين جي حمايت ڪئي، هن چيو ته
سوويت فورسز ٻاهرين خطري کي منهن ڏيڻ لاءِ ويڙهه ڪري رهيون آهن.
No comments:
Post a Comment