** 1843ع ۾ اڄوڪي
تاريخ تي سنڌ جي گورنر چارلس نيپيئر پنهنجي حڪومت کي
ٻڌايو ته سنڌ جي روينيو
انتظاميا لاءِ بندوبست ڪيا ويا آهن، صوبي جي
مختلف ضلعن ۾ ڪليڪٽر رکڻ لاءِ ڳالهيون
هلي رهيون آهن، ڪليڪٽر
کي ماهوار 1200 رپيا پگهار ڏيڻ جي تجويز اوهان کي موڪلي وڃي
ٿي.
منظوري ڏيڻ کانپوءِ سڀني ضلعن ۾ ڪليڪٽر رکيا ويندا.
** 1916ع ۾ اڄوڪي
تاريخ تي ڪراچي جي سماجي تنظيم آنند منڊلي
پنهنجي ٻي سالگرهه ملهائي، پروگرام جي
صدارت درگداس بي آڏواڻي
ڪئي، ان ئي پروگرام ۾ 50 مشهور شخصيتن شرڪت ڪئي،
جن ۾ ليکڪ
پي ايل واسواڻي پڻ شامل هو.
** 1927ع ۾ اڄوڪي تاريخ تي هندو برادري
جي هڪ وفد جئرام داس
دولترام جي سربراهيءَ ۾ بمبئي حڪومت جي هوم ميمبر سان
ملاقات
ڪئي ۽ مطالبو ڪيو ته لاڙڪاڻي ۾ 4 اپريل تي عيد جي
موقعي تي فوج مقرر ڪئي وڃي،
ڇاڪاڻ ته کين شڪ آهي ته
ڪجهه ماڻهو سندن ملڪيتن تي حملا ڪري سگهن ٿا.
** 1939ع ۾ اڄوڪي تاريخ تي صحافي آسرداس
پرسواڻي سکر
مان ماهوار رسالو ”نوجوان“ شروع ڪيو، هن رسالي کي
ڪڍڻ جو مقصد نوجوانن
۾ سماجي، اخلاقي ۽ مذهبي حوالي سان جاڳرتا پيدا ڪرڻ هو.
** 1954ع ۾ اڄوڪي تاريخ تي پاڪستان ۽
ترڪي سياسي،
معاشي ۽ ثقافتي معاملن ۾ تعاون لاءِ معاهدي تي صحيحون ڪري ڇڏيون.
** 1979ع ۾ اڄوڪي تاريخ تي ذوالفقار علي
ڀٽو جي ڀيڻ م
يڊم شاهه بانو پنهنجي ڀاءُ کي موت جي سزا کان بچائڻ لاءِ رحم جي اپيل
داخل ڪرائي.
** 1990ع ۾ اڄوڪي تاريخ تي وزيراعظم
بينظير ڀٽو اسلام آباد
۾ سفيرن جي ڪانفرنس کي خطاب ڪندي چيو ته ڪشمير ۽ افغانستان
جي معاملن تي عالمي برادري آڏو پاڪستان جو مضبوط ڪيس پيش ڪيو وڃي.
** 1996ع ۾ اڄوڪي تاريخ تي وفاقي ڪابينا
ڪوٽ ادو ٿرمل پاور
پلانٽ جا 26 سيڪڙو شيئر هڪ برطانوي ڪمپني کي وڪرو ڪرڻ جي منظوري
ڏني.
No comments:
Post a Comment