** 1838ع ۾ اڄوڪي
تاريخ تي انگريزن جي سنڌ ۾ مقرر پوليٽيڪل
ايجنٽ ڪرنل پوٽينجر پنهنجي سرڪار کي
آگاهي ڏني
ته شاهه شجاع الملڪ ۽ سنڌ جي ٽالپر حڪمرانن سان
تازه رابطا ٿيا آهن،
ٽالپر حڪمرانن کي شاهه شجاع الملڪ
جي حوالي سان جيڪي خدشا آهن، اهي دور ڪري رهيا
آهيون.
** 1840ع ۾ اڄوڪي
تاريخ تي انگريز عملدار ميجر برائون
کي ماڻهن بلوچستان جي ڪاهان واري علائقي ۾
پڪڙي ورتو،
جنهن کانپوءِ ڪيپٽن ڪلبارن ميجر برائون کي ڇڏائڻ لاءِ
جٿا وٺي ڄاڻايل
علائقي ۾ ويو، هن کي ڪيترن ئي موقعن
تي شڪست ٿي، جڏهن ته هن کان 1040 اٺ ۽ 6 ڍڳا
پڻ ڦريا ويا،
انگريزن کي بلوچ قبيلن جي ماڻهن انتهائي مشڪل وقت ڏنو.
** 1847ع ۾ اڄوڪي تاريخ تي انگريز سرڪار
فيصلو ٻڌايو ته بلوچ
سردارن کي تيستائين جاگيرون نه ڏنيون وينديون، جيستائين
اهي
رهتون ادا نه ڪندا، جاگيرون
ٽرسٽيز جي حوالي به ڪري سگهجن ٿيون.
** 1851ع ۾ اڄوڪي تاريخ تي انگريز حڪومت
اهو قانون
لاڳو ڪيو ته سنڌ ۾ سرڪاري نوڪري ان ماڻهو کي ملندي،
جنهن کي سنڌي ٻولي
ڳالهائڻ ايندي، جنهن کي سنڌي ٻولي نه ايندي،
ان کي سرڪاري نوڪري نه ڏني ويندي.
آرڊر
۾ چيو ويو ته سرڪاري نوڪري حاصل
ڪرڻي آهي ته پوءِ سنڌي ٻولي سکڻي پوندي.
** 1886ع ۾ اڄوڪي تاريخ تي سنڌ جي ڪمشنر
جي صدارت ۾ اجلاس ٿيو، جنهن ۾ اهو فيصلو
ڪيو ويو ته سنڌ ۾ ڪاليج قائم ڪيا ويندا،
جيڪي
سرندي وارن ماڻهن جي مدد سان هلندا، اهي ڪاليج
هلائڻ لاءِ هڪ ڪاميٽي قائم ڪئي
ويندي، جنهن ۾
مختلف نمائندا شامل هوندا، حڪومت
اهڙا نمائندا نامزد ڪندي جيڪي فنڊ
ڏيندا.
** 1947ع ۾ اڄوڪي تاريخ تي نوابزاده
لياقت علي خان
پنهنجي خاندان سان گڏ هڪ چارٽرڊ جهاز
۾ ڀارت کان ڪراچي ايئرپورٽ
پهتو.
** 1955ع ۾ اڄوڪي تاريخ تي ميجر جنرل
اسڪندر مرزا
کي پاڪستان جو وقتي گورنر جنرل مقرر ڪيو ويو،
واضح رهي ته ان دور ۾
مقررين دوران
چونڊ ڪئي ويندي هئي، ڪابه اليڪشن نه ٿيندي هئي،
پاڪستان جي قيام بعد
شروع وارن ڏينهن ۾ ته
وزيراعظم پڻ اليڪشن ذريعي نه ايندا هئا.
** 1965ع ۾ اڄوڪي تاريخ تي خان
عبدالغفار خان ڀارتي
حڪومت جي دعوت قبولي ورتي، ڀارت جي اختيارين
کيس دعوت نامو
موڪليو ته هو ڀارت جو دورو ڪري.
** 1973ع ۾ اڄوڪي تاريخ تي وزيراعظم
ذوالفقار علي ڀٽو
مخالف ڌر جي اتحاد پي اين اي کي ڌمڪي
ڏني ته پي اين اي جيڪو به
قدم کڻندي پ پ ان جي
ردعمل ۾ جواب ڏيندي، پيپلزپارٽي پي اين اي کي هر محاذ
تي جواب ڏيندي.
No comments:
Post a Comment