EVENTS FROM SINDH HISTORY (4th June) By: Dr. Pathan

** 1843ع ۾ اڄوڪي تاريخ تي هندستان جي

 برطانوي حڪومت سنڌو درياءَ ۽ نارا جي وچ

 تي تاريخي گذر گاهه بحال ڪرڻ جي پلان

 جي منظوري ڏني. اهو پلان سنڌ جي گورنر

 جنرل چارلس نيپيئر پيش ڪيو هو.

** 1857ع ۾ اڄوڪي تاريخ تي بمبئي سرڪار

 سنڌ جي ڪمشنر کي منهوڙا ۾ پورٽ آفيسر مقرر

 ڪرڻ جي اجازت ڏني.

** 1936ع ۾ اڄوڪي تاريخ تي ڪراچي ۾ سنڌ

 ليبر پارٽي جو بنياد وڌو ويو، جڏهن ته ڊاڪٽ

ر تاراچند لالواڻي انهي جو پهريون صدر چونڊيو ويو.

** 1947ع ۾ اڄوڪي تاريخ تي آل انڊيا مسلم ليگ

 جي ورڪنگ ڪاميٽي وڏي بحث کانپوءِ اختيارن جي

 منتقلي واري پلان کي قبول ڪري ورتو.

** 1948ع ۾ اڄوڪي تاريخ تي خان عبدالغفار خان کي

 گرفتار ڪيو ويو ۽ حڪومت پنهنجي ان قدم کي

درست ثابت ڪرڻ لاءِ موقف اختيار ڪيو ته غفار

 خان جي مدد سان حسين شهيد سهروردي اوڀر ۽

 اولهه بنگال کي ڀارتي يونين ۾ رکڻ چاهي ٿو.

** 1960ع ۾ اڄوڪي تاريخ تي سنڌ جي سياستدان

 مولا بخش سومرو کي 6 سالن تائين سياست ۾ حصو

وٺڻ لاءِ نااهل قرار ڏنو ويو.

** 1963ع ۾ اڄوڪي تاريخ تي خيرپور جي ٺيڙهي

 ڳوٺ ۾ ٻن مذهبي گروپن وچ ۾ جهيڙي دوران ڪجهه

 ماڻهو مارجي ويا، جڏهن ته 66 ماڻهو زخمي ٿي پيا.

** 1968ع ۾ اڄوڪي تاريخ تي قومي اسيمبلي

ايڪس اسٽيٽ نوابس پينشن بل منظور ڪري ورتو،

 جنهن تحت خيرپور جي اڳوڻي حڪمران کي هڪ

لک رپيا ساليانو وظيفو ڏيڻ جي منظوري ڏني وئي.

** 1970ع ۾ اڄوڪي تاريخ تي ناليواري سياستدان

 ممتاز دولتانه انهي ڳالهه تي يقين ظاهر ڪيو ته

پاڪستان جون ڪجهه سياسي پارٽيون پرڏيهي

مالي امداد ۽ سپورٽ حاصل ڪري رهيون

 آهن، هن انهن خلاف ڪارروائي ڪرڻ جو مطالبو ڪيو.

** 1972ع ۾ اڄوڪي تاريخ تي سکر سينٽرل جيل

۾ هنگامي دوران پوليس جي فائرنگ سان 13 قيدي

 مارجي ويا، جڏهن ته 35 زخمي ٿيا.

** 1999ع ۾ اڄوڪي تاريخ تي ڪراچي جي

 دهشتگردي جي انت واري خاص عدالت سنڌ جي

 اڳوڻي گورنر حڪيم محمد سعيد جي قتل ڪيس ۾

ڏوهه ثابت ٿيڻ تي ايم ڪيو ايم جي 9 اڳواڻن ۽

 ڪارڪنن کي موت جي سزا ٻڌائي ڇڏي،

 خاص عدالت نمبر 6 جي جج قمر الدين بوهره

 جي عدالت حڪيم سعيد سميت ٽن ڄڻن جي قتل

 ڪيس ۾ ملوث جوابدارن کي موت جي سزا سان

 گڏ ڏنڊ جي سزا به ڏني، جوابدارن سزا ملڻ بعد

ڪيترائي نعرا به هنيا ۽ پوليس آفيسرن کي ڌمڪيون ڏنيون.

** 2003ع ۾ اڄوڪي تاريخ تي اسرائيل ۽ فلسطين

 وچ ۾ آزاد فلسطيني رياست جي قيام ۽ تشدد جي خاتمي

 تي اتفاق ڪيو ويو، حماس ۽ ڪٽر يهودين طرفان

مخالفت جو اعلان، اردن جي شهر ۾ آمريڪي صدر

 بش ۽ اردن جي بادشاهه شاهه عبدالله اسرائيل

جي وزيراعظم ايريل شيرون ۽ فلسطيني اڳواڻ

محمود عباس سان ملاقات ڪرائي، جنهن ۾ اهڙو اتفاق ڪيو ويو.