EVENTS FROM SINDH HISTORY (22nd November) By: Dr. Pathan

** 1838ع ۾ اڄوڪي تاريخ تي انگريز عملدار ڪرنل پوٽينجر پنهنجي 

ساٿي ليفٽيننٽ چيلس کي درخواست ڪئي ته هو ڪورٽ سرويئنگ

 برگيڊ جي قيادت سنڀالي ۽ سنڌ جو سامونڊي پٽيءَ وارو علائقو ڪنهن

 به صورت ۾ نه ڇڏي، جيستائين فوجي دستا اتي نٿا پهچن، ڇو ته

 سندس اسٽڊي ۽ تجربو هتي ايندڙ فوجين کي فائدو ڏيندو، هن بمبئي 

جي ميسرز فرٿ اينڊ ڪمپني کي پڻ صلاح ڏني ته اها ڪمپني پنهنجون

 شيون اندرون سنڌ کڻي اچي، ڪمپني سڌو شڪارپور تائين رسائي 

نه رکي، ڇو ته اتي ڪمپني کي نقصان ٿي سگهي ٿو.

**  1926ع ۾ اڄوڪي تاريخ تي ڪراچي ۾ ٿيوسافيڪل سوسائٽي جي 

عورتن واري شاخ جي گڏجاڻي ٿي، جنهن ۾ 100 کان وڌيڪ عورتن 

شرڪت ڪئي، گڏجاڻي ۾ ڪو ايجوڪيشن نظام، سيڪنڊري سطح 

تائين انگريزي پڙهائڻ، موسيقي ۽ فزيڪل ٽريننگ جا ڪلاس شروع

 ڪرڻ سميت ٻين تجويزن جي حمايت ڪئي وئي، مسز حاجي عبدالله هارون،

 مسز بنده علي قاسم ۽ مسز اين ڊي ملڪ انهيءَ حوالي سان هڪ اهم ڪردار ادا ڪيو.

**1927ع ۾ اڄوڪي تاريخ تي دي سنڌ نيچرل هسٽري سوسائٽي

 قائم ڪئي وئي، جنهن جو صدر ڪمشنر سنڌ کي بڻايو ويو.

** 1935ع ۾ اڄوڪي تاريخ تي آسٽريليا ۽ سنڌ جي ڪرڪيٽ ٽيم وچ ۾ 

ڪراچي ۾ انٽرنيشنل ميچ ٿي، سنڌ واري ٽيم جو ڪپتان غلام محمد هو،

 اها ميچ مهمان ٽيم آسٽريليا کٽي ورتي هئي. واضح رهي ماضيءَ ۾ 

سنڌ جي پنهنجي ڪرڪيٽ ٽيم هئي، جنهن انٽرنيشنل ميچون به کيڏيون.

** 1948ع ۾ اڄوڪي تاريخ تي وزيراعظم لياقت علي خان ڍاڪا ۾ بنگالين 

جي ڪاوڙ گهٽائڻ لاءِ هڪ ٻئي ميڙ کي خطاب ڪندي اهو ليڪچر

 ڏنو ته سڀني کي بنگالي، سنڌي، پنجابي، پٺاڻ ۽ بلوچي واري سوچ 

مان ٻاهر نڪرڻو پوندو، اسان سڀ پاڪستاني آهيون، 

ان ڪري اهڙو رويو اختيار ڪرڻو پوندو.

** 1963ع ۾ اڄوڪي تاريخ تي آمريڪي صدر جان ايف ڪئنيڊي کي

 رياست ڊيلس ۾ گوليون هڻي قتل ڪيو ويو، سندس ڪار تي هٿياربندن

 حملو ڪيو، هن کي نرڙ ۽ ڳلي ۾ 3 گوليون هنيون ويون، جنهن ۾ 

هو فوت ٿي ويو،جان ايف ڪئنيڊي پنهنجي گاڏي ۾ مک رستي کان 

گذري رهيو هو ته مٿس حملو ڪيو ويو.حملي ۾ ٽيڪساس جو گورنر به سخت زخمي ٿي پيو.

** 1971ع ۾ اڄوڪي تاريخ تي ڀارت ايسٽ پاڪستان واري علائقي

 ۾ پنهنجي جارحيت شروع ڪري ڏني، جنهن تي پاڪستان احتجاج پڻ ڪيو.

** 1983ع ۾ اڄوڪي تاريخ تي چيف مارشل لا ايڊمنسٽريٽر

 جنرل ضياءُالحق اعلان ڪيو ته ويجهي مستقبل ۾ سياسي

سرگرمين تان پابندي هٽائڻ جو ڪو ارادو ناهي، جڏهن ته ڪنهن

 گول ميز ڪانفرنس جي پڻ ضرورت ناهي.